यदि तपाईंले विना कण्डोम यौन सम्पर्क गर्नुभएपछि यी लक्षणहरू देखिएमा पहिलो काम नै चिकित्सककहाँ गई परामर्श लिनु हुन्छ । नेपालका अधिकांश स्वास्थ्य केन्द्रहरूमा लक्षणहरूको आधारमा उपचार गर्ने विधिलाई प्रयोग गरी यौनरोगको उपचार गरिन्छ । यदि तपाईंको चिकित्सकले तपाईंले असुरक्षित यौन सम्पर्क गरेपछ माथि उल्लिखित लक्षणहरूमध्ये विभिन्न लक्षणहरू पाएमा र तपाईंले यौन सम्पर्क राखेको व्यक्तिमा पनि त्यस्तै लक्षणहरू देखेमा ती लक्षणहरूका कारक सूक्ष्म जीवाणुहरूलाई लक्षित प्रतिजैविक औषधीहरू सिफारिस गर्छन् । सिफारिस गरिएका औषधीहरू भने बमोजिम पूरा मात्रा सेवन गरे मात्रै ती रोगहरूको उपचार सम्भव हुन्छ । यस्ता रोगहरू पुन: लाग्न नदिन सबै यौन क्रियाकलापहरूमा कण्डमको प्रयोग गर्नुपर्छ र यौन सम्पर्क राख्ने संक्रमित व्यक्तिसँग गुदद्वार र मुखमा गरिने यौन क्रियाकलापमा सहभागी हुनुहुन्न ।  

कतिपय यौन रोगहरूबाट एकपटक संक्रमण भएपछि बारम्बार संक्रमित भइन्छ र शरीरबाट पूर्णरूपमा हट्दैनन् । त्यसमा हर्पिज, हेपाटाइटिस, यौन अंगमा छालाको अनावश्यक विकास, एचआईभी/एड्स । तर ती रोगहरूको जब निदान हुन्छ र औषधीहरूको प्रयोग गर्न थालिन्छ, आफ्नो जीवनलाई सहज बनाउन सकिन्छ र अन्यमा संक्रमण गर्ने स्थितिको रोकथाम हुन्छ । एचआईभी र हेपाटाइटिसको परीक्षण रगतको नमूना लिएर गरिन्छ र प्राय: सबै जिल्ला अस्पतालहरूमा पाइन्छ । हर्पिज र यौन अंगमा हुने छालाको अनावश्यक विकासको उपचार गर्न छाला रोग विशेषज्ञ वा सामान्य रोगहरूको उपचार गर्ने चिकित्सकसँग सम्पर्क गर्नुहोस् । 

यौन अंगमा संक्रमण भएको शंका लागेमा आफूले गर्नुपर्ने सबभन्दा महत्त्वपूर्ण काम भनेको शान्त रहनु हो । तपाईं उपचारको चरणमा हुनुहुन्छ र आफूलाई केही नराम्रो भएको छ भन्ने स्वीकार गर्नु पहिलो चरण हो । आफ्नो चिकित्सककोमा जानुहोस्, आफ्नो यौन सम्पर्क गर्ने व्यक्तिलाई पनि परीक्षण तथा उपचार गर्न लैजानुहोस् । प्रारम्भिक उपचारपछि सधैँ सुरक्षित यौन सम्पर्क गर्न नबिर्सनुहोस् । यदि तपाईंसँग यौन सम्पर्क गर्ने व्यक्तिले त्यसो गर्न नमानेमा निजसँग यौन सम्पर्क नगर्नुहोस् ।